رواية حبي الوحيد

 رواية "حبي الوحيد"

°°°°°°°°°°°°°°°°°°°°°°°°°

الفصل الأول 

"عود البنات عالي شقلب لانا حالي"

وفجاءه عربيه تخبطني بس ف اخر لحظه يدي فرامل اقع ع الارض

انتي كويسه يا انسه انتي كويسه !!!

بكل هيام وعدم تركيز مني ومتنحه فيه بمعني الكلمه

انت احمد عز .. احمد عز الممثل صح !! +

هو ساندني بايده وانا ع الارض وبتوتر وخوف

ياانسه انتي كويسه بقولك !!

بدات افوق من الغيبوبه دي ..

ها .. ولوحت بايدي كدا زي ماكون بهش دبان وقولت

ايوا ايوا كويسه ايدي بتوجعني بس

طب قومي بسرعه اوديكي المستشفي

لا لا مش مستاهله شكرااا بس لو تعديني الطريق بس لاني مش بعرف اعدي لوحدي ممكن

قمت وقفت وهو ساعدني

لا مينفعش لازم اوديكي المستشفي

لا بجد شكرا واسفه دي غلطتي انا اللي كنت حاطه الهاندفري ومكنتش مركزه ..

انا ليه مهتم كدا هي فعلا اللي غلطانه هي ظهرتي من الاشئ انا مالي .. بس دي شبه الملاك طفله عامله شعرها كحكتين شبه القطط ولابسه سوليبت جينز والشنطه الباك دي اكيد عندها ١٥ سنه !!

بكل براءه لقيتها بتقولي

حضرتك معايا .. هتعديني ولا ايه

انتي يا شاطرة عندك كام سنه بقه ؟؟

بصتلي بعصبيه كدا ماهو بطولها المتر ونص ده اكيد صغيرة اوي الصراحه ..

حضرتك بتكلمني انا ؟؟

امال بكلم نفسي ايوا انتي ..

لقيتها بعد ماكانت بتتكلم بكل خجل وكسوف اتعصبت شوية كدا

انا اسمي روح مش شاطرة !!!

لا انا مسالتكيش عن اسمك .. بقولك عندك كام سنه؟؟

ممكن تعديني وتسيب ايدي انا كويسه ..

اتعصبت فجاءه وقولتلها

 لا مش هعديكي هو انا فضيلك .. وسيبتها ومشيت ..

من اول ماعيني جات عليه حسيت بشكه ف قلبي اول مرة احسها .. بقيت مش عاوزه انزل عيني من عليه .. مين الشخص ده وظهر واختفي فجاءه .. انا ايه اللي هببته ده .. كان لازم اعمل حاجه .. اهو مشي هشوفه فين تاني ..بس عسول اوي تصدقي انك مهزاه ده اتعصب عليكي ومشي قطع تفكيري رنه تليفوني

ايوا يا بوسينه "انتمتي من الثانوي داخلنا صيدله زي بعض ودي اول سنه لينا ف الكليه والمفروض ده كان اول يوم " ..

خلاص يا بوسينه انا تحت بيتك انزلي .. مش هعرف اعدي الطريق لبيتك .. ياله مستنياكي ..

نزلت بوسينه وادتني مرشح بسبب تاخيري طبعا !!

ايه يا روح كل ده تاخير !!

بوسينه انا عاوزه احكيلك حاجه حصلت معايا ..

اتفضلي قولي يا جلابه المصايب

طب مش حاكيه بقه !!

مش هتقدري اصلا متحكيش تموتي هو انتي وراكي حاجه غير الكلام والاكل

بقه كدا طيب وسيبتها ومشيت

استني يابت خلاص اسفه احكي

هتعزميني ع كريب و عصير مانجا +

طيب احكي بقه متبقيش بارده

نروح الكليه وناكل واضمن حقي وبعدين احكيلك وكمان هنتاخر ياله بينا

ماشي يا نصابه ياله

دخلت الكليه وقبل ما ادخل قاعه المحاضرات بعد طبعا ماجيبنا الجدول فجاءه اتخبطت ف واحد وانا اكمني قصيره خدت حته وقعه كل الناس ضحكت عليا ..

بكل هدوء مني وخجل ع شكلي 

اها مش تحاسب

هو انتي تاني .. انتي ماشيه تايه علطول كداا

عنيا بدات تدمع وبصيتله 

انا اسفه مكنتش اقصد وسيبته ومشيت

بوسينه جريت ورايا طبعا ودخلنا المدرج ونمت ع البينج مش عاوزه احضر ولا اركز ف حاجه هي دي شخصيتي مبحبش اتكلم ولا ابرر ولا اختلط بحد ومش بعرف اعلي صوتي ولا ازعق حتي لو كنت صاحبه حق ..

روح .. روح الحقي !!

بوسينه سيبيني انا مش قادره

طب شوفي الدكتور بس وبعدين نامي

لا مش عاوزه اشوف حاجه سيبيني بقه ياما هطلع بره المحاضره خالص ولا اقولك انا فعلا هطلع ..

قومت وجيت اطلع لقيت صوت من قوته وقفت مكاني وقلبي اتنفض

انت رايحه فين يا انسه !!

حسيت ان صوته .. هو صوته مقدرش ابصله ولا ارفع عيني فيه الشخص المجهول ده لاني بضعف اكتر مانا ضعيفه اصلا عملت حركه ميفهمهاش العقل نهائي وسيبته وطلعت من المدرج

عرفت بكدا ان خلاص مش هعدي من الكليه دي هخليني مخلله فيها بعد الحركه دي

روحت ف كافتيريا الكليه واستنيت بوسينه طلعت بوسينه و كلمتني وعرفتها مكاني لقيتها جيالي

ايه الخره اللي هببتيه ده !!

معرفش يا بوسينه بس انا مكنتش ف وعيي اصلا

انتي عبيطه يا روح بجد انتي عبيطه عارفه مين الدكتور ..  اللي لسه كان خبطك وبيقولك رايحه فين سيبتيه ومشيتي دي هربت منك خالص وشكله دكتور صعب ادنا كميه التزامات مش طبيعيه  ..

بوسينه انا مش نقصاكي ياله هاتيلي الكريب

خليكي همك ع بطنك كدا هطلب واجي تحكيلي الموضوع

الا بقولك يا بوسينه الدكتور ده اسمه ايه !!

اسمه مالك يا روح دكتور مالك

ابتسمت تلقائي وهي سبتني ومشيت 

مالك .. مالك وروح .. روح مالك .. والله معرفش عملت فيا ايه بس يمكن معجبه بيك طب اروحله مكتبه اعتذرله .. ولا اعمل ايه انا مش طبيعيه خالص حاسه بحاجه غريبه من ناحيته

ها يا روح قوليلي بقه

بدات احكي لبوسينه عن اللي حصل بيني وبينه الصبح وهي مصدومه طبعا !!

بجد يا روح ..

ايوا بجد .. بس انا من ساعه ماشوفته وانا مش طبيعيه

حبتيه يا روح ..

لا مش للدرجادي .. بصي هشغل مهرجان وناكل احسن

معرفش بنت كيوت زيك كدا ورقيقه بالشكل ده وبتعيط من اقل حاجه وعيون عسلي وبشرة بيضه زي الاميرات  بتسمع مهرجات ازاي بس !!

اسكتي يا بوسينه شغاله نقد عليا من الصبح وحطيت الهاند فري " بوبوني ساقط ف نتويلا عشقك يابت حلال ... "انا حياتي كلها بالهاندفري اصلا ونسيت كل اللي حوليا وبدات اغني واكل الكريب ونسيت بوسينه كمان

فجاءه خبطت بوسينه ع رجلي لاني مش سامعه حاجه وقاعده بدندن الاغنيه بصوت عالي وشيلت الهاندفري

ايه يا بوسينه ف ايه ؟؟

دكتور مالك يا بوسينه !!!

يادي النيله انتي عاوزة تسدي نفسي عن الاكل يعني بالسيرة المهببه دي موضوع واتقفل وخلاص خلصنا

لقيتها بتهتهه كتير

مبرقه وبتشاور براسها وبهمس

و .. و .. وورراكي

بطلي هزار يا بوسينه ايه هيجيب القفل ده هنا .. ده اما يبعوز ياكل هتلاقيه بياكل من ايد شيف مخصص للناس التيران تفتكري بيتغذي ع لحوم البشر مثلا شوفي جسمه ببقه واقفه قدامه زي العيله عليه طول .. ولا عضلاته بقه اكيد بيحقن مش طبيعي ولا شعره اكيد مستشوره ولا ....

بهمس وبتوتر

روح وراكي دكتور مالك وراكي اهدي بقه واسكتي

شاورت بايدي ورايا من غير مابص 

ورايا اللي هو هنا كدا بالظبط صح

بوسينه  صح ..

يتبع.......