رواية حبي الوحيد

 رواية حبي الوحيد

°°°°°°°°°°°°°°°°°°°°°°°°°

الفصل الثالث

روح بزعيق لاول مرة : ف ايه يا اخ انت !! انت بتطلعي ف كل حته كدا وانا بسكت ومش بتكلم !! لا وكمان بتزعقلي وتسيبني وتمشي انت بجد ....

مالك : انتي بتزعقيلي انتي اتهبلتي ؟؟وبتقولي للدكتور بتاعك يا اخ انت

بثينه واقفه مصدومه مني لان انا كنت اول مره ازعق لحد اصلا او اعلي صوتي قدام حد .. بدات افوق واستوعب اللي عملته

روح ولسه مسهمه شويه : انا اسفه .. عن اذنك

المفروض كنت احضر المحاضره بس مشيت روحت وقررت مش هروح الكليه تاني وهحول كمان كليه تانيه ف محافظه تانيه اصلا .. عشان اخلص من عمي ومراته وكمان مالك .. احساس اللي انا حساه من ناحيته مخوفني انا حاسه اني بحبه .. كل اما اشوفه قلبي بيبقه بيدق .. وبحس برعشه ف جسمي .. بس هو مش بيقدر ولا هيقدر كدا .. وانا هتعذب .. فقررت ابعد

روحت وحكيت كل حاجه لساهر ابن عمي من ساعه ماكان هيخبطني بعربيته لحد ما مشيت من الكليه .. استغربت رد فعله انه وافق اني ابعد وكمان قالي اشتغل عشان اعتمد ع نفسي .. ومحتاجش لاي حد حتي لو كان الحد ده هو .. لان حس اني لازم اكون اقوي ..

بعد اسبوع مش بروح الكليه ولا بنزل من البيت اصلا وبكلم بثينه بس اطمن عليها وتطمن عليا ..

روحت شركه كانت منزله انها محتاجه سكرتريا وكدا ده طبعا خارج عن كليتي بس مش مهم المهم اني فعلا اعتمد ع نفسي وبس ..

دخلت لمدير الشركه وكان راجل كبير ف الخمسينات كدا وشكله محترم .. بس حاسه انه شكله مش غريب عليا ..

المدير : اهلا يابنتي اتفضلي

روح : شكرا لحضرتك ..

المدير : بصي يابنتي انا محتاج مساعده وانا شوفت ال CV بتاعك بس لقيتك لسه طالبه .. هتعرفي تنظمي بين شغلك وكليتك وبذات انك ف صيدله ..

روح : ايوا باذن الله مش هقصر ف شغلي نهائي

المدير : وكمان يابنتي مفيش اي اعذار عشان كليتك لازم تكوني فاهمه كدا .. +

روح : تمام هحاول اظبط اموري

المدير : انا محمود صفوان ابقي صاحب الشركه ومعايا مدير كمان بيدير شريكاتي كلها وهو ابني مالك صفوان ..

روح بصدمه ومش مستوعبه : مالك !!!!!!

المدير : ايوا ف مشكله ؟؟

روح بدات تهدي وتقول ف بالها اكيد مش هو اكيد ان شاء الله مش هيطلع هو اكييد بقه انا بهرب منه ف كل حته وهاجي القيه هنا اكيد لا اكيد مش هو  ...

المدير : روح انتي معايا ..

روح : ايوا يا مستر محمود .. هقدر استلم الشغل امتا

المدير : من بكره باذن الله يا روح

روح مشيت وكل تفكيرها ان يكون مالك هو صاحب الشركه بس كانت بتقول استحاله .. راحت عند صاحبتها بثينه تحكيلها عن موضوع الشغل

بثينه : شغل ايه يا روح ؟؟ والكليه !!

روح : متقلقيش هعرف اتصرف بس بجد يا بثينه انا لازم اعتمد ع نفسي اكتر من كدا .. انا حاسه اني ضعيفه اوي ومش بعرف اتصرف نهائي ف اي موقف .. وبالنسبه للكليه هبقه اخد منك المحاضرات والعملي هحاول انزله .. انا اصلا مش هحضر لدكتور مالك تاني حتي لو هيسقطني .. ولو لزم الامر هحول لكليه بعيده وهسيب الشغل ده والدنيا بحالها ...

بثينه : اهدي يا روح كل حاجه هتتحل متكبريش الموضوع كل ده عشان الدكتور ده .. لازم توجهي وتبقي اقوي من كدا فعلا ...

روح : بثينه انا مش هحضر عشان خوف منه .. لا .. انا مش هحضر عشان انا مبحبش اقف قدامه بحس اني ضعيفه قدامه .. مش ببقه عارفه اتصرف .. بخاف ابص ف عنيه .. بحس برعشه جوه قلبي .. مش حابه ضعفي ده مش حابه كدا .. ده غير اني كل شويه اخبط فيه وبقيت شكلي اهبل اوي .. +

بثينه : انتي حبتيه ولا ايه

روح : مش عارفه يا بثينه .. مش عارفه

بثينه : طب تاكلي .. ماما عامله ورق عنب

روح : انا زدت خمسه كيلو ف اسبوع يا بسبوس بس كله يهون عشان ورق عنب الحجه هاتي ..

بثينه بضحك : هتبقي شبه كره القدم وبقصرك ده هتتشاطي يا رورو

ضحكت روح : امشي من هنا يا وطيه اصمله انتي اللي عود فرنساوي يعني

تاني يوم بعد ما بثينه عرفت سوزي و عمها فرحوا طبعا وقالولها مش هتاخد فلوس تاني منهم بدل حابه بقه تعتمد ع نفسها .. هي مفرقلهاش اي حاجه غير انها هتطلع من جحيم عمها ومراته .. وهتخلص من كلامهم وضرب مرات عمها ليها بسبب الفلوس ( هنعرف القصه كامله ف الاحداث الجايه)

راحت بثينه الشركه اول مادخلت بدا اللي ف الشركه يتعرفوا عليها وبالذات لان كان شكلها صغير بالكحكتين ولبسها السلوبيت والكوتش والشنطه الباك مش شكل سكرتيره لرجل اعمال معروف واستغربوا ازاي محمود بيه يوافق عليها بالرغم من انه مش بيوافق ع اي حد

دخلت روح ف مكتب محمود صفوان

روح : صباح الخير مستر محمود

محمود : صباح النور يا روح .. روحي يا روح لمكتب ابني عشان لازم يقيمك هو كمان .. اتفضلي

روح : حاضر .. عن اذنك ..

روح اصلا اول مادخلت الشركه ف الاول كانت مبهوره بجمال وفخامه الشركه وقالت ف نفسها اكيد وش مش هتقبل بس لسبب ما هي متعرفوش اتقبلت وكمان لاحظت ان الكل لابس ينيفورم قريب من بعضه وهي لبسها غيرهم تماما .. يعني الجيب القصير للبنات والشيمز والبليزر عليه .. والشباب القمصان والبدل .. اما هي كان لبسها كاجول خالص ..

مشيت روح وكان قلبها بيدق مش عارفه ليه حاسه انه مالك .. حاسه انه هو .. ربنا يستر بقه

خبطت ودخلت علطول

روح بصدمه : مالك ؟؟؟

مالك كان قاعد وباصص ف الورق ومركز جدا وقدامه قاعده قصاده ع المكتب بنت باين سكرتيرته .. ولابسه لبس ضيق جداا وبتتكلم باسلوب مايص شويه .. و عامله ف نفسها البخت

رفع مالك راسه بمجرد ما سمع واتاكد ان صوتها خلاه بصصلها زي مايكون كان بيفكر فيها وطلعت من تفكيره قدامه .. وحشاه بقاله اسبوع مشفهاش .. وحشاني !!! اها وحشاك داانت كنت هتتهبل وتشوفها لدرجه كنت هتسال صاحبتها .. لا لا وحشاني ايه مفيش الكلام ده اسكت انت ( لقلبه) بدا يصحصح من شروده وقال

مالك : انتي !!!!! انتي بتعملي ايه  هنا

روح بصوت واطي وكله غضب من البنت وقالت

ممكن افهم مين دي وبتعمل ايه هنا وازاي واقفه كدا !!

مالك قام من ع مكتبه ووقف قدام روح كان المفروض

يزعق ويقولها انتي مالك بس معملش كدا قالها

دي السكرتيره بتاعتي نور وبتعمل ايه هنا وواقفه عادي بتعرفني حاجات كنت طالبها

روح : بجد

مالك : ايوا بج.... وبدا يفوق للي عمله وبصوت عالي

لا ثانيه كدا انتي اللي بتعملي ايه هنا وانتي مالك اصلا مين دي وبتعمل ايه هنا ها .. هااا؟؟

روح بزعل وخيبه امل : صح عندك حق انا سكرتيره مستر محمود الجديده ومستر محمود بعتني لحضرتك عشان تقيمني يا مالك .. قصدي يا دكتور مالك ..

مالك رجع قعد ع مكتبه وبكل ثقه : اتفضلي انتي يا نور

نور : حاضر مستر مالك

رجع وقف وقرب من روح

مالك : انتي بقه السكرتيره الجديده وبصلها من فوق لتحت وقال والله يا بابا بقيت تشغل عيال صغيره معاك كمان اكيد صعبتي عليه بالكحكتين بتوع الاطفال دول

روح بغضب طفولي وخبطت رجليها ف الارض

بس انا مش طفله !! ولو محترمتنيش عن كدا هضطر امشي

مالك : طب ماتمشي

روح : همشي !!

مالك : مش هنعمل عمر وسملي بقه امشي

روح : هوووووف وطلعت وقفلت الباب جامد ومالك ضحك ودي كان اول مره مالك يضحك او يبتسم اصلا ..

مالك انا مينفعش احب حد ولا اتعلق بحد كلهم شبه بعض كلهك خاينين كلهم بيبيعوا مجرد مايلاقي حد بيدفع اكتر .. ماشي يا روح انتي اللي جتيلي لحد عندي ..