رواية حبي الوحيد
رواية حبي الوحيد
^^^^^^^^^^^^^^^^^^
الفصل الرابع
روح بعد ما سابت مكتب مالك ومشيت
ليه بيعاملني كدا انا معملتلوش حاجه لا حلوة ولا وحشه ليه بحسه بيكرهني بالرغم من انه مشفش مني حاجه وحشه راحت روح عند مكتب والد مالك +
-ها يا روح عملتي ايه طمنيني
=حضرتك اللي هطمني بقه يا محمود بيه لاني مفهمتش مستر مالك هيخليني ولا همشي !!
-لا .. قلبي بيقولي هتخليكي كفايه ادبك واخلاقك يا روح وانا متاكد انك مش هتخذليني ابدا
=شكرا جدا يا مستر محمود هروح انا ع شغلي
طلعت روح ع مكتبها وكلها احباط و كسره قلب من مالك وهي سرحانه ف مالك لقيته داخل مكتب والده
-انت .. قصدي حضرتك رايح فين
بعصبيه من مالك
=داخل المكتب عند والدي ولا هتمنعيني كمان !!
روح بصوت خوف
-لا .. انا .. قصدي .. مستر محمود قالي مدخلش حد من غير مايكون عنده علم الاول
بعصبيه اكتر من مالك
=وانا مش حد ابعدي بقه كدا .. هو الواحد ناقص
سابها ودخل لوالده
-ايه يا بابا مشغلي سكرتيره مبتفهمش ف حاجه دي مكنتش عاوزه تدخلني غير اما تقولك
=ده شغلها يا مالك وانا اللي قايلها وحتا القواعد دي عليك كمان ولو مش انت اللي غلطان دلوقتي كنت خصمت منها
-لا متخصمش منها حاجه .. قصدي فعلا انا اللي دخلت غصب عنها .. المهم السكرتيره بتاعتي عاوزه تاخد اجازه اسبوع وانا مبعرفش اشتغل من غير سكرتيره اعمل ايه !!
=خد روح اهي شخصيه رقيقه وهاديه هتمشي معاك .. اما انا اي سكرتيره عادي بعرف اعدي اموري ..
خبطت روح ودخلت ف الوقت ده
-جيتي ف وقتك يا روح
=اومرني يا مستر محمود
-بصي يا روح انتي هتشتغلي سكرتيره مستر مالك لمده اسبوع .. لان السكرتيره بتاعته واخده اجازه اسبوع تمام
=بس .. يعني يا مستر محمود
يتدخل مالك ف اللحظه دي ..
*احنا مش بناخد رايك يا روح .. ورايا ع المكتب .. ف شغل كتير ورانا ..
=بس يعني ..
مالك قرب منها وبصوت عالي شويه
-بصي يا روح عشان نمشي مع بعض كدا هما كلمتين اسمعهم منك حاضر ونعم .. مفهوم !؟
=ازاي !!
-روووح !!!
=حاضر بخيبه امل ودبدبت ع الارض زي الاطفال
هي وراه .. ضحك ع حركتها الطفوليه
-ياله ورايا...
بعد ساعتين من الشغل ومالك مش راحم روح ف الشغل كل شويه يطلب منها حاجه .. روح نامت ع المكتب عشان تفصل شويه سمعته واقف قدامها بينادي ..
-روح ..
وهي لسه ع وضعها =نعم يا دكتور مالك
بصوت عالي شويه
-رووووح
قامت روح وزي ماتكون ماكنتش لسه اخدت بالها ان مالك بينادي عليها
=سوري نعم
-انا رايح الكليه ورايا محاضره .. انتي مش هتروحي
=اصل مستر محمود فهمني ان مفيش كليه طول مانا ف الشغل ..
-انتي ازاي مستهتره كدا بجد .. مفيش الكلام ده .. الكليه الاول وبعد كدا اي حاجه تانيه .. فاهمه .. ياله هتروحي وهرجعك معايا .. اتفضلي ..
=بس ..
-روح ..
بغضب طفولي من روح
=سيبني اكمل كلامي طيب
-لا انا مستنيكي ف العربيه متتاخريش
وصلوا الكليه وروح كانت وراها محاضره واحدة اللي هي اخر محاضره ...
-روح تخلصي وتستنيني هنا مفهوم ؟؟
=حاضر
وصلت روح عند بثينه
-روح .. جيتي ازاي والشغل
بدات روح تحكي اللي حصل
-طب والله مستر مالك ده عسل وبيفهم ده هو اصلا كله ع بعضه عسل .. تصدقي نص الدفعه بتكراش عليه مطلعتيش لوحدك ..
=نعم ياختي نص الدفعه مين .. داانا اروح فيهم ف داهيه ..
-اسكتي اسكتي الدكتور دخل خلاص ..
بدا مالك ف شرح المحاضره وروح مركزه معاه هي بتفرح اوي اما يبقه قدامها متعرفش ايه اللي بيشدها فيه غير انه حلو ورجل اعمال ودكتور بس مش ده اللي عجبها .. هي عجبها مالك من غير كل الكلام ده .. وعارفه ان جواه شخصيه غير دي تماما ..
فاقت روح من سرحنها بكلمه مالك ..
-انتي معايا يا روووح ...
كل المدرج اتصدم انه عارف اسمها و مركز معاها ..
=ايوا مع حضرتك ..
رفع حاجب -والله !!!
=ايوا حتا حضرتك كنت بتقول .... وفعلا قالت اللي كان بيقوله
-ماشي يا روح اتفضلي
خلصت المحاضرة وروح استنت مالك زي ماقلها
*ازيك يا روح
-انت بتكلمني انا
*ايوا انا محمد زميل معاكي
-تمام انت عاوز .....
=اهلا .. مالك بغضب مكبوت
-دكتور مالك حضرتك خلص....
=ادخلي العربيه يا روح
-بس ....
=روح !!!!!
بغضب -طيب
*انت طالب هنا
-ايوا يا دكتور مالك
*طب كويس عارف اني دكتور مالك خليك ف حالك بقه عشان تعدي من كليتك
-حضرتك تقصد ايه
*لا انا معنديش وقت افهمك !!! وسابه ومشي
دخل مالك العربيه وكان ناوي يهزق روح ولكن ....
تعليقات
إرسال تعليق