رواية حبي الوحيد

 رواية حبي الوحيد

°°°°°°°°°°°°°°°°°°°°°

الفصل الثاني

مالك ورايا بدات ابلع ريقي كنت حاسه دقات قلبي من كتر سرعتها قلبي هيقف وكمان حاسه ان كل اللي حوليا سامعين دقات قلبي ..

بصيت ورايا لقيته وشه احمر من كتر غضبه وعينه بتطلع شرار وقفتله ولسه هتكلم بدا هو يتكلم وياريته ماتكلم  ..

عارفه انا مش بس هندمك ع كلامك ده .. انا هندمك ع اليوم اللي اتولدي فيه .. وعارفه انا مش مستغرب من بني ادمه مستهتره زيك وتايهه كدا اي حاجه .. +

كنت خلاص مش قادره اتكلم ولا اطلع صوت حطيت الهاند فري تاني ف وداني وسيبته ومشيت .. ايوا مشيت .. كنتوا عاوزني اقوله ايه .. اقوله اني مش قادره ع اهانته دي .. ولا اقوله انه خذلني فيه .. ايوا خذلني لاني فعلا كنت حاسه من نظره عنيه ليا اول مره انه مأمني الوحيد لكن طلعت غلطانه طلع زيهم .. مانا محكتلكوش اني يتيمه ايوا يتيمه ..

فلاش بااااك

صباح الخير يا بابي

صباح الخير يا روح

انت برضو مسافر فرنسا ..

ايوا يا روح ده شغل وهقعد اكتر من اسبوعين

بابي عشان خاطر روح عندك بلاش انا مش مطمنه .. قلبي مش مرتاح .. انا مليش غيرك .. ماما ماتت وانا صغيره ومليش غيرك انت ..

روح بطلي شغل العيال الصغيره ده كلها شهرين وتدخلي الجامعه يا دكتورة وهتبقي احلي دكتورة

للاسف الطيارة حصلها عطل وهي ف الجو ووقعت وكل اللي فيها ماتوا وبابي كمان مات .. اتقلبت حياتي بعد ماكنت دلوعه بابا بقيت حمل كبير وكبير اوي ع عمي ومراته اللي مش بيطقوني اصلا .. وللاسف مليش غيرهم .. وهما طبعا مستولين ع كل شغل بابي و شركته والمصنع وبيعاملوني كاني جاريه مش بنت اخوهم اللي عايشين ف خيره ..

بااااااك

سيبت مالك وشغلت اغاني وكمان سيبت بثينه نسيتها اصلا وروحت البيت بتاع عمي "قصدي جحيمي"

اهلا بست الحسن

ازيك يا مرات عمي

بصيلتي بقرف وعوجتلي بوقها

ايه مرات عمي دي !! اسمي سوزي هانم يا جاهله

بس بابا دايما كان بيقولي انك اسمك جملات

جملات ف عينك .. اسمي سوزي .. اطلعي ياله ع اوضتك انا كل اما اشوفك مودي بيبقه زفت

حاضر يا سوزي هانم

طلعت اوضتي بس كالعاده تدخل هاله بنت عمي وليها اخ توام اسمه ساهر الاتنين ف نفس سني بس هاله لانها مدلعه دخلت حقوق وساهر دخل هندسه لانه ملتزم عكس هاله تماما

بت بقولك

انا روح يا هاله .. روح

بقولك ايه اسمعيني كدا .. انا رايحه حفله النهارده وهتاخر وطبعا دادي مش هيوافق فهتيجي معايا وهتقنعي ساهر طبعا لانه بيحبك وبيسمع كلامك ماشي

مكنش عندي حيل اناهد معاها لان اما برفض طلبتها بتخلي عمي وسوزي يقلبوا عليا باي كدبه بقه من اخترعتها

خبطت ع غرفه ساهر ..

اتفضلي يا روح

دخلت ولقيته مبتسملي قولتله وانا بضحك بهدوء..

نفسي اعرف بتعرف ازاي انه انا ..

قالي بنبره غريبه 

بحس بيكي ياروح .. المهم شكلك كدا عاوزه حاجه

اتفاجئت وقولتله .. 

وعرفت دي ازاي كمان .. حسيت برضو ؟؟

لقيته وقف وقرب مني وقالي بكل ثقه

يابنتي انا عارفك اكتر من نفسك

قولتله وانا متوتره من قربه ليا

خدلك مسافه كدا يا اخ مش هعرف اتكلم معاك كدا

وماله قربي بقه ياست روح +

ساهر لو سمحت

رجع قعد ع مكتبه وقالي 

طيب قولي عاوزة ايه

هنروح حفله انا وانت وهاله .. ايه رايك

بدل انتي عاوزة كدا .. اكيد هنروح من غير كلام

بجد

وانا عمري قولتلك كلمه ومطلعتش ادها .. بس البسي فستان طويل ومغطي كل جسمك ومتحطيش اي حاجه ف وشك .. اميين

حاضر .. طلباتك اوامر

دايما اقرب حد ليا بعد بثينه هو ساهر .. دايما جمبي .. من قبل ماتكلم عارف هقول ايه .. بيحس بيا من غير ماشكي .. بيحس بوجودي حتا لو مش موجودة قدامه..بس احساسي من ناحيته انه اخويا مش اكتر .. اما احساسي بمالك مختلف تماما .. عارفين اللي دخل القلب من غير استاذان .. داانا باين وقعت

لقيت ساهر بيفتح الباب ..

انتي لسه واقفه عندك يا روح

فوقت من تفكيري 

ها .. اها ماشيه اهو

روحت جهزت ولبست دريس بيبي بلو طويل لحد الاخر وكمامه طويله بس شيفون شفاف وهو شيفون نازل ع واسع شويه .. وحطيت ميكب بسيط جدا .. وسيبت شعري خالص ..

وانا نازله لقيت ساهر وقف من ع الكرسي واول ماقربت 

انتي ايه اللي عملاه ده .. الروج والميكب كله يتمسح وشعرك يتلم .. ياله

ساهر حرام عليك بجد ..

من غير كلام كتير ياله

وطبعا انا عارفه ساهر استحاله هنمشي غير لما انفذ طلباته الاول ..

فعلا عملت اللي قالي عليه ولميت شعري ديل حصان بشكل شيك برضو وركبت جمبه و هاله وراء ..

هاله بسخريه مني وبتضحك

اللي يشوفك وانتي مبهدله ف نفسك كدا يقول جايبين الشغاله بتاعتنا معانا .. صح يا ساهر

ساهر بصوت عالي واتعصب

عارفه احنا لو مش ف الشارع كنت اديتك حته علقه وانتي عارفه .. روح احلي بطبيعتها ولبسها ده مش شبه البلايتشو زيك .. لو ابوكي يسيبني عليكي هربيكي والله اصلك متربتيش

بصيت لساهر وعيني كلها شكر ليه وهو ابتسملي اما هاله كانت بتغلي وسكتت لاخر الطريق

وصلنا الحفله كانت مليانه ناس .. انا بحب طول مانا ماشيه اشغل مهرجات وبرقص كتير وكدا .. بس مش بحب الدوشه دي خالص ولا زحمه الناس دي ..

ساهر استنوني هنا اوعي تدخلوا هركن العربيه وندخل سوا

قولتله بابتسامه .. حاضر

نزلنا وراح يركن

هاله بكل عصبيه وبتنفخ ف وشي

اوعي تكوني باللي ساهر عمله ده كدا انتي ليكي قيمه .. انتي هتفضلي اقل واوحش مني .. وسبيتني ومشيت

ربنا يهديكي يا هاله وفجاءه حد خبطت فيا ووقعت تاني !! بس ساهر لحقني وبدا يزعق

مش تحاسب يا حيوان انت ..

بقول ف نفسي 

ايه ده .. مالك .. لاء لاء اكيد بتهيالي اكيد ..

انت بتقولي انا ياحيوان .. بقه انا حيوان يابن...وبدا ف ضرب ساهر وطبعا هو اقوي واكبر جسمانيا وكل حاجه عن ساهر لقيت نفسي بعيط وبتوسله

ارجوك سيبه ارجوك .. انا اسفه لحضرتك بس سيبه

لقيت نفسي بصيت ليها .. هي عسوله كدا دي يعتبر اول مره اشوفها بفستان وبشعرها كدا .. شكلها حلو جدا فيها كميه براءه مش طبيعيه .. انا ازاي اما قالتلي سيبه .. سيبته ببساطه كدا .. لا لا مينفعش ده يحصل مينفعش .. هي دي اول واحده اشوفها مانا حوليا كتير اشمعنا دي ببقه كدا قدامها ..

شكرا انك سيبته .. بجد شكرا

بكل عصبيه وصوتي عالي بحاول افوق نفسي من التفكير فيها بالشكل دهه

انتي يابت انتي بتطلعيلي منين داانتي لو قاصده مش هتعملي كدا .. انا اسيبك ف الشارع القيكي ف الجامعه اسيبك ف الجامعه القيكي هنا فيه ايه بقه

مردتش عليا كانت مشغوله جدا بالكائن اللي معاها ده .. اكيد حبيبها اصلها ملهوفه عليه اوي مش فاهم ليه .. بس الغريبه اني حسيت اني مضايق .. مشيت وسيبتهم مع بعض .. مشيت لاني لو كنت فضلت مكنتش ضامن ممكن اخلص عليه خالص ..

جيت ابص حوليا ملقتوش اختفي .. بدات اطلب من الناس مساعده لان ساهر كان فقد الوعي من كتر الضرب

اخدته المستشفي وكان عنده كدمات بس كلها ف وشه لكن جسمه سليم وفاق 

بقه كدا يا ساهر ليه عملت كدا بس !! شوف عملت ايه ف نفسك داانت بايظ خالص وضحكت غصب عني

اضحكي اضحكي كنتي عاوزاني اعمل نفسي ماخدتش بالي ده كان هيكسرك ماشي بيخبط ف الناس ولا همه

المهم انت كويس

سوال اهبل من واحده عبيطه .. انتي شايفه ايه ؟؟

شيفاك بايظ خالص وبضحك

ما خلاص بقه انتي هتغنيها .. بس بقولك يعني منفعش

هزيت راسي بمعني لاء

خالص .. منفعش خالص ؟؟

هزيت راسي بمعني ايوا ..

انتي اتخرستي ماتتكلمي زي البني ادمين .. اها يا راسي يانا

بدات اعيط بسيط كدا

معلش يا ساهر الف سلامه عليك

مسح دموعي 

ولا يهمك يا روح انا معنديش غيرك والله اموت عشانك مش اتضرب بس ..

داانت اتفرمت مش اضربت

لقيته بيزقني 

قومي يا روح قومي امشي من هنا

ضحكت وقلبي ضحك معاها وخليتني باصص عليها ومبتسم ع ضحكتها ..

روحنا البيت وبعد شتايم من امه وابوه ليا

بابا .. ماما .. بعد اذنكم هي ملهاش ذنب والله .. دي خناقه بيسطه

سوزي  اامال لو مش بسيطه كنت هتيجي عامل ازاي !!

ساهر  اطلعي انتي فوق يا روح

طلعت اجري لاني كنت مرعوبه وعارفه ان موضوع زي ده استحاله يعدي

طلعت اوضتي لقيت ٥٠ مكالمه من بثينه و ١٠٠ مسدج واتس من بثينه برضو

رنيت عليها ردت من اول جرس

روح انتي فين قلقتيني عليكي

ايه يا اوڤر يا بت يا اوڤر

محدش عنده صاحبه سلف .. الفاتحه ع الصحاب .. وانا اللي قلقانه عليكي

يابنتي وبدات تحكيلها اللي حصل

روح انا لو منك احول من الكليه اسمعي مني

ولو  ولو  لازم ابينله اني مش خايفه حتا لو كنت بترعب منه دي كلمه قليله ع شعوري اما بشوفه

طب نامي عشان بكره المحاضره الاولي بتاعته انتي فاهمه .. دكتور مالك .. المحاضره الاولي .. دكتور مالك .. المحاضره الاولي .. دكتور ما....

كفايه يا بثينه كفايه الله يحرقك

منمتش اصلا من خوفي اروح متاخره لبست بنطلون واسع قماش اسود وشيميز ابيض وربطت الشيميز من قدام كدا وعملت تسريحتي المفضله القطتين ولبست الشطنه الباك وحطيت الهاند فري وشغلت مهرجان "بهوايا انتي قاعده معايا يا جمال مرايه العين ..." وبدات ارقص قدام مرايتي لحد ما بثينه كلمتني نزلت ..

هالا بالصحاب الغداره

ليه بس يا بسبوستي ..

بقه تسيبني وتمشي امبارح يا كلب البحر

بصي انا انا بشوف اللي اسمه مالك ده بيوترني والله ببقه هعيط منه متقوليش عليه غوول اها والله بشوفه غوول ...

مالك يا بثينه مبله كدا ليه .. ماهو اكيد مش ورايا ومش واقف هنا بالظبط .. صح !!

و  و وررراكي

لا داانا الفلك بقه ونتكلم اصل مينفعش كدا !!!