رواية حبي الوحيد
رواية حبي الوحيد
الفصل الخامس
مالك دخل العربيه وكان في نيته يبستفها اخر بستفه بس لقاها بتعيط وحاطه وشها بين ايديها شهقات عياطها باينه وهو حس بشكه ف قلبه بس حاول يتغاضي عن ده كله ...
بحده بسيطه خالص من مالك
- ممكن افهم انتي بتعيطي ليه ؟؟
هي مش بترد عليه او بالاصح مش عارفه ترد لانها بتعيط مش عارفه تتكلم
=.........
بدا صوته يحن اكتر هو مش عارف بيعمل كدا ازاي !!
-روح ردي عليا .. بتعيطي ليه
روح بتحاول تتكلم وهي لسه بتبكي
=ممكن .. افهم .. انت بتعاملني ليه كدا
مجرد ماعينه جات ف عنيها لقي قلبه اللي بيحركه بدا يمسحلها دموعها ومسك ايديها
-طب ممكن تهدي بجد مش عاوز اشوفك كدا ..
روح مكنتش مصدقه انه ماسك ايديها وشها احمر شبه الطماطم وبدات تبعد ايده عنها .. قلبها كان مش ف مكانه .. وكان نفسها مسكه الايد دي تبقه ف موقف احسن من كدا ..
=رد ع سوالي .. ولا اقولك انا هنزل وواعدك مش هتشوف وشي تاني
جات تفتح باب العربيه وتنزل فعلا بس مالك بصوته اللي في نبحه كلها رجولة وعنيه العسلي برموشهم الكثيفه
-روح احنا مش اطفال عشان نهرب اتفضلي ارجعي مكانك عشان اوصلك
روح لقت نفسها سرحت فيه ماهو غصب عنها بتحبه تعمل ايه ؟؟ ركزت معاه شويه وبعدين قالتله بانفعال طفولي....
=ياريتك تنسي انت اني طفله او طالبه عندك وعاملني اني روح دكتورة زي زيك ..
ضحكه بسيطه من مالك
- من ناحيه طفله فانتي طفله فعلا .. كفاية بس القطتين اللي عملاهم علطول دول .. ولا السولبيت بتاعه بنت اختي دي .. وكل والهاند فري البينك دي لا والشنطه الباك اللي بلسان كلب .. كلب ياروح !!
روح بغضب طفولي وخدوتها بقيت طماطم ولا نقول برقوق ..
=يعني السكرتيره المايصه بتاعتك دي هي اللي تعجب اما روح طفله .. طيب ممكن توصلني بقه ؟؟
مالك وحس الغيرة ف كلامها هو كان المفروض ع اسلوبها اللي محدش يجرؤ ويتكلم بيه معاه بس هو معملش بكل حنيه منه
-انا هروحك ترتاحي مش هينفع تيجي الشركه كدا بس متتعوديش ع الدلع ده اوك ..
=........
رجع يتعصب تاني ماهو مالك بقه !!
-روووووووح !!!!!
روح اتفزعت =ايه !!!!
-احنا اتفقنا نرد بايه يا روح !!
=ماهو مفيش حد طبيعي يعمل كدا
-يعني انا مش طبيعي !!! ( برفعه حاجب من مالك)
=لا والله مش قصدي .. طب خلاص حاضر
ضحك غصب عنه من كلامها وحركتها وطلعلها شوكلاته وعصير من معاه وروحها البيت بعد مادوخته ف الوصف
=اخيرا وصلتني علفكرة انت متعرفش ولا مكان ف مصر كلها بس ميرسي
-وايه لازمه ميرسي بقه .. دي غلطتي برضو ولا انتي اللي مش بتعرفي توصفي يعني ايه بيت تحته سوبر ماركت .. مفيش سوبر ماركت غير تحت بيتكوا
=طب اهو شوف بنفسك ده سوبر ماركت ولا لا !!
-روح انزلي عشان متعصبش انزلي ياله +
=مع السلامه يا مالك .. قصدي يا دكتور مالك
-مع السلامه يا روح وفجاءه يطلعلها ساهر من العدم
* رووح
-ازيك يا ساهر
*ينفع كدا يا روح ده لو بابا شاف الاخ ده موصلك هيعمل منك بطاطس محمرة ..
نزل مالك من عربيته
=انت بتتكلم عني انا !! وفين بابا ده بقه يا نانوس عين بابا
ساهر رايح يتخانق مع مالك بس تدخل روح
-ساهر عشان خاطري
وفعلا ساهر سكت ومالك ركب عربيته بكل عصبيه ومشي
مالك لنفسه انا مالي بيها بعمل كدا معاها ليه !! بضايق ليه من قربها للواد ده !! وهو مين اصلا عشان يقرب منها كدا بس بيقولها بابا ممكن يكون اخوها !! لا لا نظراته ليها مش اخ لاخته ده بيحبها واكيد هي كمان بتحبه !! لازم اتعامل معاكي بطريقه تانيه مينفعش اللي حصل النهاردة ده يتكرر تاني مينفعش !!!
عند روح وساهر
طلعوا بس كانت ام ساهر واقفه ع السلم لروح
بقيتي تجيبي رجاله يوصلوكي يا فاجره وضربتها بالقلم
ساهر بانفعال
ماما مينفعش كدا ده صاحبي وانا اللي قولتله
ماما ساهر
ابعد انت يا ساهر سيبني اربيها دي متربتش
جريت روح ع اوضتها بعد ما ساهر منع امه عنها
روح ف اوضتها
يارب خلصني منهم ومشيني من هنا بقه انا تعبت مبقتش مستحمله .. الباب خبط
-افتحي يا روح انا ساهر
اخدها ف حضنه * اوعي تعيطي تاني دموعك دي غاليه عليا اوي يا روح صدقيني
-انا تعبت يا ساهر اووي
=اهدي يا حبيبتي اهدي بس يا روح انتي غلطانه برضو هو بيوصل كل الموظفين اللي عنده لبيوتهم ولا الوضع غريب ...
-يا ساهر انت فاهم غلط ... وبدات تحكي اللي حصل
=اها طب ومين محمد ده بقه
-هو انا لحقت افهم حاجه مالك ادخل علطول
=طب حصل خير ارتاحي انتي دلوقتي .. انا هروح اجيبلك العشاء وهتاكلي مفيش مفر
ضحكت - حاضر
اتعشيت انا وساهر اصله استحاله يتعشي من غيري وهو اما كان بيكون بره انا كنت بستناه عشان نتعشي سوا
-بتحبيه ؟؟
=بحبه يا ساهر ومش عارفه هو مش حاسس بيا ازاي داانا ببقه قدامه شبه الكتكوت المبلول
-هي الدنيا كدا بنحب اللي مبيحبناش و منحبش اللي بيحبنا
=ايه يا روميو بتحب ولا ايه
-بت انتي بداتي تخرفي ياله نامي وارتاحي كدا
=اهرب اهرب زي عادتك بس هعرف يا سوسو هعرف
روح بدات تفكر ف كلام مالك انها شبه الطفله وقررت تتغير عشان يشوفها انسه احلي من سكرتيرته المعرقبه دي .. معرفتش تنام غير لما كلمت بثينه وحكتلها كل اللي حصل في يومها ..
بس انا هتغير يا بثينه مش هخليه يشوفني طفله دي تاني .. بقه انا طفله ماشي يا مالك
يابت داانتي قمر بطه ف نفسك كدا
ياختي اتنيلي مانا مش عجباها اهو انا هنام عشان اصحي بدري اجهز
ماشي يا قطتي سلام
سلام
تاني يوم وروح بدات تجهز باحلي حاجه عندها واخدت من بنت عمها شوز واكسسوري وفستان وميكب لانها مش بتستخدمهم طبعا وبنت عمها طبعا طلعت عينها عشان تديلها الحاجات دي بس ف الاخر نجحت وخدتها مقابل حفله اخر الاسبوع ..
لبست روح فستان اسود مجسم ساده خالص وطويل لحد تحت الركبه بشويه وعليه جاكت جينز وسلسله دهبي وساعه دهبي وسيبت شعرها بس عملت ضفيره من الجمب كدا وحطت ميكب سيمبل لانها مش بتحط ميكب اصلا ولبست شوز كعب اسود ودي اول مره تعملها هي لبست اسود زي يونيفورم السركه يعني
اها الشوز دي وجعتلي رجلي اوي انا هاخد كوتش معايا احتياطي ..
جهزت روح وكانت زي الانسات الكبار العسل بزيادة
روح نزلت قبل ما مرات عمها تشوفها وتقعد تتكلم وبنت عمها شافتها اتغاظت من جمالها وبشرتها الصافيه
وجسمها المشدود والمتجسم ..
ولا وبقيتي زي بتوع الكليات يا روح امال كنتي عامله نفسك عيله ليه ؟!
لا من هنا ورايح هتشوفوا روح تانيه خالص
يتبع......
مستنيه رايكوا وتوقعوا رد فعل مالك اما يشوف روح كدا ...
تعليقات
إرسال تعليق